कोटहीमाईमा कुपोषण पहिचानको लागि १०४ जना जनशक्ति परिचालन

२६ वैशाख २०८१, बुधवार

मर्चवार २४ बैशाख÷रुपन्देहीको कोटहीमाई गाउँपालिकामा १ सय ४ जना कुपोषण पहिचानको लागि खटिने भएका छन् । कुपोषण पहिचानका लागि खटिने स्वास्थ्यकर्मीहरुलाई गरिएको अभिमुखीकरण कार्यक्रममा बोल्दै कोटहीमाई गाउँपालिका कार्यवाहक स्वास्थ्य शाखा प्रमुख घनलाल अर्यालले ८३ जना महिला स्वास्थ्य स्वयंसेविका २१ जना स्वास्थ्यकर्मी गरी १ सय ४ जना टोल टोलमा पुगेर कुपोषण पहिचान गर्ने उनले बताए ।

अभिमुखीकरण कार्यक्रममा बोल्दै कोटहीमाई गाउँपालिका अध्यक्ष बालकृष्ण त्रिपाठीले कुपोषण पहिचानमा वास्वतविक तथ्यांक आए मात्र कार्यक्रम प्रभकारी हुने र गाउँपालिका कुपोषण मुक्त हुने बताए । हाम्रो जीवनको स्वास्थ्य प्रमुख धन रहेको बताउदै समय मै कुपोषण सहित अन्य रोगहरुको पहिचान भए मात्र समयमा औषधी उपचार हुने अध्यक्ष त्रिपाठीले बताए । पालिका भित्रका लक्षित उमेरका कुनैपनि बालबालिकाहरु नछुटनेगरी काम गर्न सबैलाई आग्रह गरेका थिए ।

गाउँपालिकाभरीको ६ महिनादेखी ५९ महिना सम्मको बालबालिहरुको कुपोषण पत्ता लगाई कुपोषित बालबालिकाहरुलाई पालिका भित्रका स्वास्थ्य संस्थाहरुमा पठाएर उपचार गर्ने गाउँपालिकाको पोषण सहजकार्ता शिवदास गुप्ताले बताए ।

कार्यक्रममा कोटहीमाई गाउँपालिका स्वास्थ्य शाखा प्रमुख राम निवास यादव, मर्यादपुर स्वास्थ्य चौकी इन्चार्ज मनबहादुर कुँवर, सक्रौनपकडी स्वास्थ्य चौकीका प्रमुख लिला घिमिरे लगायतका मनतब्य राखेका थिए । कार्यक्रमबारे बिरेन्द्र कोहाँरले प्रकाश पारेका थिए ।