मर्चवार । आगामी फागुन २१ गते हुने प्रतिनिधि सभा सदस्य निर्वाचनलाई लक्षित गर्दै रुपन्देही निर्वाचन क्षेत्र नं. ४ का उम्मेदवार आशुतोष मिश्रले मतदातासँग प्रत्यक्ष भेटघाटलाई तीव्र बनाउनु भएको छ । माघ ६ गते नेपाली कांग्रेसको तर्फबाट उम्मेदवारी दर्ता गरेपछि उहाँ मतदातासँग संवाद, सुझाव संकलन तथा क्षेत्रको आवश्यकता बुझ्न सक्रिय रूपमा लागिरहनु भएको उहाँको सचिवालयले जनाएको छ ।
मतदातासँग आफ्नो राजनीतिक दृष्टिकोण र क्षेत्रको समग्र विकास लक्ष्यबारे धारणा राख्ने क्रममा पार्टीका वरिष्ठ नेता तथा पूर्व गृहमन्त्री बालकृष्ण खाण पनि शुक्रबार मर्चवारीदेवी मन्दिरमा दर्शनसहित मतदातासँग भेटघाटमा सक्रिय रहनु भएको थियो ।
